ربنا يرضى عليكم عاوزه حل - منتدى
الأحد, 2017-03-26, 7:56 PM
أهلاً بك ضيف | RSS
الرئيسية | ربنا يرضى عليكم عاوزه حل - منتدى | التسجيل | دخول
قائمة الموقع
طريقة الدخول
بحث
تصويتنا
ما رأيك بموقع أرسل مشكلتك؟
مجموع الردود: 178
أصدقاء الموقع
  • مركز مطمئنة الطبي
  • أكاديمية علم النفس
  • ركاز لتعزيز الأخلاق
  • IUPsyS
  • جمعية العون المباشر
  • نحو حياة بلا مشاكل
    [ رسائل جديدة · المشاركين · قواعد المنتدى · بحث · RSS ]
    صفحة 1 من%1
    منتدى » لا حياة مع اليأس » مشاكل الحب » ربنا يرضى عليكم عاوزه حل
    ربنا يرضى عليكم عاوزه حل
    جورىالتاريخ: الإثنين, 2013-10-07, 1:05 AM | رسالة # 1
    مجموعة: مستخدمين
    رسائل: 1
    سمعة: 0
    حالة: Offline
    [b]
    السلام عليكم معلش مشكلتى كبيره شويه ومعقده انا بنت عندى 20 سنه الحمد لله بنت ناس وملتزمه فى دينى بشكل كويس طول عمرى مافكرتش فى ارتباط او حاجه زى كده لانى عارفه ان الايام دى معظم الشباب بيتسلو وانا كان نفسى فى شاب محترم وبيصلى المشلكه بدأت من 4 سنين كنت فى 2 ثانوى كنت بروح للدروس كل يوم كان فى شاب كل يوم بيبصلى بنظرات اعجاب غريبه غير اى نظرة اعجاب تانيه كنت بعدى عليه كل يوم بحكم ان المحل بتاعه جنب مكان الدرس بتاعى فكان بيبصلى جامد وانا كنت بكره نظراته وبكره الوقت اللى بعدى فيه من عنده لدرجة ان صحباتى وقرايبى اللى بيمشو معايا كانو بيقولو ليا هو ماله بيبصلك كده ليه من غير حتى ما اقولهم

    ومره يرمى عليا كلام مبسمعهوش وبكبر دماغى منه ومره يتخانق مع واحد علشان عاكسنى ولو حد بصلى بيبقى عاوز يموته بنظراته لحد ما دخلت الكليه وهو على الحال ده فبطلت اعدى من عنده علشان خلاص مابروحش الدروس ففيوم عديت علشان كنت راجعه من الكليه والباص نزلنى عنده فعديت لقيته بيقولى وحشتينى اوى اتخنقت جدا وكان هاين عليا اضربه ولا اتخانق معاه

    من بعد كده حسيت انى اتعودت عليه او اتعلقت بيه معرفش ازاى او يمكن عجبتنى فيه شوية حاجات لما مثلا بسأل عنه اى حد علشان اعرف هو مين وبيعمل كده ليه الاقيهم بيقولولى ده محترم جدا وابن نااس وتقيل اوى ومش بتاع بنات وكده قبل كده صاحبتى سألت عنه بنت بتشتغل جنبهم قالتلها انا كان نفسى اتكلم معاه بس هو مش بيعبر حد

    من بعدها حسيت انى اعجبت بيه واتعلقت بيه.. بقيت زى 7 شهور كده اعدى كل اسبوع مره علشان اشوفه بس عمرى ما بينت نظرات حب او اعجاب لانى بمشى فى الشارع ببقى باصه فى الارض

    لحد قبل رمضان اللى فات بأسبوع عرفت اسمه بحثت عليه على الفيس واتصدمت لقيت بنت بتكلمه بطريقه وحشه كأنها واحد صاحبه دخلت على صفحتها لقيتها كاتبه علي صورته خطيبى وبتتكلم مع اخته كأنها خطيبته بس هو مش بيرد عليها عرفت انه خاطب واتصدمت جدا

    يعنى مادام انك خاطب ليه بتعاكس وتبص وتعلق بنات الناس معاك ..

    اول يوم رمضان بقى كنت واقفه فى البلكونه لانى بحب ادعى واقرا قرءان قبل الفطار بساعه .. لقيته واقف فى البلكونه اللى فى وشى ..اتصدمت وهو اتصدم حسيت انه ارتبك وكل شويه يبص وانا اتصدمت جدا لانه اول مره اعرف انه جارى

    اللى شدنى اكتر بقى نظراته فضل واقف باصص عليا برضو تانى يوم برضو طلعت لقيته هو كمان طلع ويبص وهكذا كل يوم يطلع لحد اخر يوم فى رمضان كل يوم برضو يطلع يبص عليا ويقرا قرءان لحد المغرب وكنت انا كمان بقرا قرءان وقبل الفطار مثلا ب10 دقايق يسيب المصحف ويبص

    وقتها اتعلقت بيه اوى وكان لازم اشوفه كل يوم واكتر حاجه عجبتنى فيه انه بيصلى وبيقرا قرءان

    وهكذا اول يوم العيد .. وبعدين خليت حد يسأل ابن عمه قاله انه مش خاطب لسه مخطبش .. ومش لابس دبله فى ايده الموضوع اتعقد اكتر وانا متأكده ان البنت دى يعرفها وتعرفه من طريقة كلامها وكلامها مع اخته

    المهم من بعد العيد هو مابيطلعش خالص وحسيت ان هو مبقاش يهتم بيا ولا فى باله وانا دلوقت فى 2 جامعه وبعدى عليه تقريبا كل اسبوع مرتين او مره علشان الكليه بتاعتى بركب لها من عنده بس بمشى ولا كأنى اعرفه ولا شوفته ولا عمرى بصلته

    دلوقت انا مش عارفه اعمل ايه انا حسيت انى كرهته او استحقرته علشان البنت اللى هو خاطبها ولا مش عارفه بيكلمها ولا معرفش علاقته بيها ايه حسيت انه بيلعب بينا احنا الاتنين انا مش عارفه اعمل ايه
    انا متعلقه بيه جامد وعلى طول بفكر فيه

    ومش عارفه اطلعه من دماغى خالص ولا يمكن اكون ظلماه ومش عارفه اذا كان هو بيحبنى ولا بيتسلى وقبل كده صليت استخاره حلمت بحلم حلو وارتحت وكنت كل يوم بحلم بيه بأحلام حلوه وعلى طول كنت بدعى انه يكون ليا دلوقت
    وكنت على طول بدعى يكون من نصيبى فى كل فرض دلوقت بطلت لانى فقدت الامل

     
    ضيفالتاريخ: الجمعة, 2014-01-10, 6:49 PM | رسالة # 2
    مجموعة: الضيوف





    .إن الحب كما لا يخفى على نظرك الكريم علاقة أسمى من ذلك، إنها علاقة مودة وميل في القلب ولكن على طهارة وعلى براءة، على سكينة ورحمة تكون بين الرجل والمرأة، وهذا لا يمكن أن يتحقق إلا في موضع واحد (إنه الزواج)، حينئذ تجتمع المرأة بزوجها عزيزة كريمة قد خطبها من بيت أهلها كريمة كما تُخطب المؤمنات الصالحات، وخرج بها إلى بيت الزوجية، فحينئذ تجتمع روحهما فتكون روحاً واحدة محبة وأُلفاً وسكينة وطمأنينة وحناناً وعطفاً.فهذا هو الحب الصادق، وأما يقع من هذه العلاقات فهو مجرد تعلق يحدث لكثرة المحادثة لاسيما إذا انضمَّ إلى ذلك رؤية للصورة أو لقاء أو غير ذلك من الأمور، وما أكثر أن تنتهي هذه العلاقات بما هو أعظم من مجرد اللقاءات فتجر إلى الفضائح والمخازي، وهذا أمر لعله لا يخفى على نظرك الكريم، ولذلك كان من حكمة الله جل وعلا أن بيَّن سبيل المؤمنين وسبيل المؤمنات الصالحات في هذا الشأن فقال تعالى: (( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ))[النور:30-31]. وقد ثبت عن النبي صلى الله عليه وسلم أنه سئل عن النظرة الفجأة فقال: (اصرف بصرك) رواه مسلم في صحيحه. وقال صلى الله عليه وسلم: (لا تتبع النظرة النظرة فإن الأولى لك والثانية عليك) رواه أحمد في المسند. فهذا في شأن النظر المجرد فكيف بعلاقة تُوقع في الميل القلبي والتعلق كما قد رأيتِ وكما قد حصل لك؟! فاعرفي حقيقة الأمر وليكن هذا الذي وقع درساً عظيماً لك، والحمد لله أنه أنقذك من التمادي في مثل هذه العلاقة، فكم من فتاة لم تخرج بمثل ما خرجت به من السلامة وإنما خرجت بسمعة سيئة وربما بفضائح ومخازي، والسلامة لا يعدلها شيء، والله جل وعلا قد أمرك بما فيه فضلك وبما فيه خيرك، قال الله تعالى: (( يُرِيدُ اللَّهُ لِيُبَيِّنَ لَكُمْ وَيَهْدِيَكُمْ سُنَنَ الَّذِينَ مِنْ قَبْلِكُمْ وَيَتُوبَ عَلَيْكُمْ وَاللَّهُ عَلِيمٌ حَكِيمٌ * وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلًا عَظِيمًا * يُرِيدُ اللَّهُ أَنْ يُخَفِّفَ عَنْكُمْ وَخُلِقَ الإِنسَانُ ضَعِيفًا ))[النساء:26-28].
     
    منتدى » لا حياة مع اليأس » مشاكل الحب » ربنا يرضى عليكم عاوزه حل
    صفحة 1 من%1
    بحث:

    تستخدم تكنولوجيا uCozCopyright MyCorp © 2017